HDK: Pirsgirêka miletekî bi terorê çareser nabe

Li ser banga Partiya Demokrata Kurdistanê (HDK) li baregaha Deftera Siyasî ya HDKê ya li Koy a Kurdistana Îranê, civîna partiyên siyasî yên kurd birêve diçe.

Ezîzî got di axaftina xwe de behsa girîngiya yekîtiyê kir û got: 'Hevderdî, hevxebat û hevruhiya bi me gelekî girîng e û em berpirsiyarê van tiştan in.

Ev yek dê bibe hêwineke baş ji bo li hev nêzîkbûna partiyên Rojhilatê Kurdistanê. Di heman demê de hest û berpirsiyariyeke ji bo hemû aliyan da ku li gorî şiyanên xwe Herêma Kurdistanê biparêzin.'

Sekreterê Giştî yê HDKê Azîzî di dewamiya axaftina xwe de got: 'Ger piştî terorkirina çend hevrêyênme û kiryarên Komara Îslamî ya Îranê ya li dijî partî û aliyên siyasî yên Rohjilatê Kurdistanê me xebat rawestandiba, divêya me beriya niha ev kiriba.

Lê Îran û ew aliyên ku pirsgirêka wan ligel kurdan heye, divê tiştekî baş bizanin, ew jî ev e; pirsgirêka milletekî, ku ji bo mafên xwe partî û rêxistin ava kirine, li pey bidestxistina mafên xwe ne, bi rêya şer, pevçûn, teror û tirsandinê çareser nabe.'