HSD: Em bi du mercan dikarin hevdîtin li gel Tirkiyê bikin

Fermandarê HSDê Mazlum Kobanî li Kobanê di çalakiyeke de axivt û got, ew amade ne bi Tirkiyê re hevdîtinan pêk bînin lê 2 mercên wan hene: ‘’Ew jî divê Tirkiyê ji Efrînê vekişe û êrişî bakur û rojavayê Sûriyê (Rojava) neke.

Ji aliyê din ve Mazlum Kobanî di civîneke ku fermandarên hêzên Hevpeymaniya Navdewletî û Wezîrê Derve yê Berê yê Fransayê Bernard Kouchner jî amade bû, axaftinek kir. Kobanî diyar kir ku wan êrişî tu hizb û aliyekî nekirine û neketine nava tevgereke ku li herêmê ragêşiyê zêde bibe.

Fermandarê HSDê Mazlum Kobanî di berdewamiya axaftina xwe de teqez kir ku armanca HSDê ew e ku xelkê ji terorê biparêzin.