Li Îranê di nava 6 mehan de 250 kes hatin bidarvekirin

Rêxistina Lêborîna Navdewletî (Amnesty) di daxuyaniyekê de eşkere kir, Komara Îslamî ya Îranê pêleke nû ya bidarvekirinê li dijî welatiyan pêk aniye û di şeş mehên borî de 250 kes bidarve kirine.

Amnesty di daxuyaniya xwe de amaje bi wê yekê jî kir, dibe ku hejmara rastî ya bidarvekirinê ji vê zêdetir be û hîn hejmara darvekirinan li Îranê veşartî ye.

Hat gotin ku cezayê bidarvekirinê li Îranê "piştî darizandinên nedadperwerane û bi mikurhatinên di bin eşkenceyê de hatine dayîn, tê sepandin.

Amnesty di daxuyaniya xwe de banga li "dawîkirina pêla hovane ya darvekirinan li Îranê" kir û got: Divê dimildest ev bidarvekirin bên rawestandin.