Li sînorê Îranê 39 kolberên kurd hatin kuştin

Li gorî daneyên saziya Hingaw a Navenda Mafê Mirovan di 6 mehên dawî de li ser sînorê Îran û Herêma Kurdistanê 39 kolberên kurd ji aliyên hêzên Îranê ve hatine kuştin û 83 kolber jî birîndar bûne.

Li gorî saziya Hingaw ji wê hejmarê 17 kolber bi teqeya rasterast ya hêzên çekdarên Îranê hatine kuştin û 8 kolber ji ber revîna ji ber hêzên Îranî ve canê xwe ji dest dane. Hejmara mezin yên wan kolberan, xelkê Urmiye, Sine û Kirmanşanê ne.

Kuştin û birîndarkirina kolberên kurd ji aliyê hêzên Îranî ve bû cihê nerazîbûna xelkê Rojhilatê Kurdistanê û parlementoya Îranê jî biryara bîneya (parastina maf) kolberan dabîn bike, lê heta niha bi awayekî berbiçav ew proje bi cih nehatiye.