Polîsan 2 zarokên Kurd kuştin

Hat ragihandin ku duh Yekşemê danê êvarê polîsên Îranê li ser rêya Loristan-Xuremawa ya Rojhilatê Kurdistanê gule li otomobîleke ku sivîl tê de bûn reşandin.

Li gorî agahiyên ku Rûdawê ji çavkaniyên herêmî bi dest xistine, di otomobîla ku polîsên Îranê gule lê reşandin de Rehman Reşîdîmenîş ê ji gundê Qulquley a Merîwanê, hevjîn û du zarokên xwe hebûn.

Hat diyarkirin ku di bûyerê de 2 kurên malbata Reşîdîmenîş ên 9 û 13 salî canê xwe ji dest dan û polîsan piştre Rehman Reşîdîmenîş û hevjîna wî desteser kirine.

Heta niha sedema bûyerê nayê zanîn, ji Rêveberiya Polîsên Loristanê jî ti daxuyaniyek nehatiye dayîn