Îranê girtiyekî kurd îdam kir

Li gorî nûçeya ajansa Basnewsê îro berê sibehê, girtiyekî kurd bi navê Tahir Seîdî (36) ku bi tohmeta bazirganiya madeyên hişber hatibû girtin, li girtîgeha bajarê Makûyê hat îdamkirin. Li gorî zanyariyan, ew girtiyê kurd 6 sal berê hatibû girtin û fermana îdama wî hatibû dayîn.

Bajarê Makû girêdayî eyaleta Urmiyê ya Îranê ye û dikeve ser sînorên Tirkiye, Azerbaycan, Ermenistanê. Li gorî amar û agahiyên dezgehên mafên mirov, ji destpêka sala 2017an û vir ve, herî kêm 15 girtiyên kurd ji terefê rejima Îranê ve hatine îdamkirin.