Li Silêmaniyê konferansa zanistî ya zimanê Kurdî birêve diçe

Li bajarê Silêmaniyê îro Şemiyê 25ê Sibata 2023an, bi dirûşma "Ziman Bingeha Afirandina Netewe ye", konferansa zanistî ya zimanê Kuridî birêve diçe.

Serperiştyarê Konferansê Şaxewan Sidîq ji Kurdistan24ê re ragihand: “Em wek Dezgeha Kerîmî Eleke du sal in bi boneya 21ê Sibatê Roja Cîhanî ya Zimanê Dayik çalakiyan encam didin û vê rojê pîroz dikin.”

Şaxewan Sidîq destnîşan kir, di konferansa îro de çend panel hene, tê de behsa rola ziman di mijara netewî û zindîbûnê de tê kirin.

Sidîq herwiha eşkere kir, ji bilî li Herêma Kurdistanê, wan hewl dane lêkolînerên ji parçeyên din ên Kurdistanê jî beşdarî vê konferansê bibin, lê belê nekarîne, loma bi rêya vîdeo û online, dê beşdar bibin û peyamên xwe bigihînin.