Îro Sêşemê 21ê Sibata 2023, Roja Cîhanî ya Zimanê Dayikê ye. Bi vê helkeftê, Serokê Herêma Kurdistanê Nêçîrvan Barzanî li ser twitterê peyamek belav kiriye û tekezî li ser parastina zimanê Kurdî kiriye.
Nêçîrvan Barzanî di peyama xwe ragihandiye: “Di Roja Zimanê Dayikê ya Cîhanî de em tekezî li ser parastin û pêşxistina zimanê şîrîn ê Kurdî û hemû ziman û zaraveyên Kurdistanê dikin.”
Serokê Herêma Kurdistanê di beşeke din a peyama xwe de gotiye: “Silav li wan pênûsên ku xizmeta zimanê dayikê dikin, pirzimanî û pirçandiya Kurdistanê diparêzin û ji bo pêkvejiyanê dixebitin.”
Neteweyên Yekbûyî (Komîteya UNESCO) di sala 1999an de 21ê Sibatê wek Roja Zimanê Dayîkê ya Cîhanê qebûl kir.
Her sal 21ê Sibatê Roja Zimanê Dayikê ya Cîhanê ye û hemû gelên cîhanê bi çalakiyên curbecur vê rojê pîroz dikin.
Li cîhanê 6000 ziman hene, lê gelek ji wan di xetereya windabûnê de ne. Piraniya mirovan bi 100 zimanan diaxivin û zimanê Kurdî di rêza 59emîn a cîhanê de ye.
Kurdî pênc zaraveyên xwe yên sereke hene ku her yek ji wan ji çend şêwezaraveyan (devokan) pêk tê:
Zaraveya Goranî: Hewramî, Kendûleyî, Bacelanî
Zaraveya Zazakî: Zazakiya Jorîn (Dêrsim), Zazakiya Navîn (Amed), Zazakiya Jêrîn (Ruha)
Zaraveya Kurmanciya Jorîn: Serhedî, Badînî, Botanî, Rojavayî
Zaraveya Kurmanciya Jêrîn: Kelhorî, Feyî, Kirmaşanî
Zaraveya Kurmanciya Navendî: Soranî, Mukrî, Silêmanî, Germiyanî, Erdelanî
