Necmedîn Kerîm: Budçeya Kerkûkê Herêma Kurdistanê dide

Kerîm di merasîma vekirina pireke Kerkûkê de ku îro pêk hat, bersiva pirsên rojnamevanan da.

Parêzgarê Kerkûkê li ser pirsa budçeya parêzgahê got, ‘Bexda dînarekî jî nade Kerkûkê. Tenê Hikûmeta Herêma Kurdistanê mehane 10 milyon dolar dide me ku ew jî diravê petro-dolar e."

Pireya nû ya Kerkûkê bi navê Pêşmerge Şêrko Fatîh Şiwanî ku di şerê DAIŞê yê li eniya Kerkûkê de jiyana xwe ji dest dabû hat vekirin. Şiwanî roja 31ê Çileya sala 2015an di şerê DAIŞê de can dabû.