Li hemû Herêma Kurdistanê barîna baranê destpê dike

Li gor pêşbîniyên rêveberiya giştî ya seqanasî û erdhejan a ser bi Wezareta Veguhestin û Gehandinê, bendewarî heye ku roja 28.01.2023yê pêla barîna baranê berê xwe bide Herêma Kurdistanê û heta roja çarşemê jî berdewam bike. Herwaha bendewarî heye ew pêle destpêkê li ser navçeyên çiyayî bi awayê nerme baran û befirbarîn destpê bike.

Li gor heman daxuyaniyê: Roja yekşemê bandora wê pêlê bi lewazî li ser navçeya me dê bê dîtin, lê rojên duşem û sêşemê bandora wê pêla barîna baranê dê bihêz be û li hemû navçeyê li xwe bigre û li navçeyên çiyayî jî befir dê bibare.

Hat ragehandin, ji ber wê pêla barîna baranê, asta germê jî dê dakeve, ew pêle dê heta roja çarşema heftiya bê dê berdewam bike.