Rojhilatê Kurdistanê hejiya!

Demek kurt berî naha demjimêr 13:20 ango 14:50ê dema herêmî ve erdhejekî ku piraniya parêzgehên Rojhilatê Kurdistanê yên Ormiye, Sine û Kirmaşanê li xwe girt pêkhat. Herwaha li gor zanyariyên peyamnêrê BasNewsê li sînorê parêzgeha Silêmaniyê û Helebçê jî erdhej hat hest kirin. Derbarê hûrgiliyên erdhejê de hîn ti agahî nehatine belav kirin û navenda erdhejê jî aşkera nebûye.

Li gor zanyariyên çapemeniya cîhanê navenda erdhejê Tazawa ya navenda Selasî Bawecan a ser bi parêzgeha Kirmaşanê ye. Herwaha hat ragehandin hêza erdhejê 5.9 e û 8 kîlometre bin erdê de pêkhatiye.

Peyamnêrê BasNewsê li Helebçê dibêje, erdhej bi awayeke pir bihêz li Helebçê hat hest kirin, beşek ji hemwelatiyan jî bo parastina jiyana xwe ji malên xwe derketine.