Li gundekî Qersê xanî hilweşiya – 3 kes mirin

Li gundê Hecîmiho yê Qersê sibeha îro (2 Hezîranê) ji ber barana zêde û teyrokê xaniyê malbata Budak hilweşiya û jina malê û 3 zarokên wê di bin kavilan de man.

Keça malê ya bi navê Sîbel Budak (12 salî) ku birîndar bibû, xwe ji bin kavilan rizgar dike û hewara xwe digehîne cîranan.

Li gor zanyariyan, gundiyan jina malê ya bi navê Songul Budak a 36 salî û zarokên wê Bedirhan ê 10 salî û Boran ê 8 salî ji bin kavilan derxistin lê heta gihandin nexweşxanê, canê xwe ji dest dan.

Keça birîndar Sîbel Budak jî ji aliyê tîmên tendirustiyê ve bo nexweşxaneyê hat veguhestin.