Pîre: Cenazeyê Mam Celal roja înê ji Almanyayê tînin Kurdistanê

Mam Celal Talebanî Sekreterê Giştî yê YNKê û serokomarê 6emîn ê Iraqê bû. Talebanî demek berê ji ber nexweşiyê çûbû Almanyayê û duhî jiyana xwe ji dest dabû. Cenazeyê Mam Celal roja înê ji Almanyayê tînin Herêma Kurdistanê.

Nûnerê YNKê Seidî Ehmed Pîrê li Silêmaniyê derbarê mijarê de daxuyaniyek da û got: "Em ê roja înê cenazeye Mam Celal Talebanî ji Almanyayê bînin Silêmaniyê."

Pîre di berdewamiya axaftina xwe de got: "Ji bo Mam Celal em ê konê sersaxiyê li Silêmaniyê vekin, li Kerkûk, Hewlêr û bajarên din ê Kurdistanê jî dê merasîmên sersaxiyê werin sazkirin."