Altan Tan bangî PKKê kir

Parlementerê HDPê Altan Tan dibêje ji bo ku rewşa heyî ya li Tirkiyeyê vegere asteke asayî, divê PKKê dest ji çekan berde û li Rojava jî sîstemeke piralî damezrîne.

Partî û aliyên siyasî yên kurd ên li Tirkiyeyê seredana Wezîrê Karên Derve yê Tirkiyê Mevlut Çavuşoglu bi nêzîkî ve dişopînin. Daxwaza partiyên siyasî yên kurd ew e ku pevajoya çareseriyê careke din were zindîkirin.

Parlementerê HDPê Altan Tan dibêje ku zemînekî musaîd ji bo gotûbêjkirina meselaya kurdan lazim e û ji bo vê yekê jî pêwîste ku PKK dev ji çekan berde.

Altan Tan ji Rûdawê re axivî û dibêje ku: "Lazim e mesele li gorî şert û mercan were ditîn û meseleya Suriyeyê were safîkirin. Ji bo ku şert guncaw bibin lazim e ku PKK dest ji çekan berde. Lazim e li Suriyê weke Herêma Kurdistana siyaseteke piralî bide meşandin. Ji bo kurdên Iraqê dewlet, ji bo kurdên Sûriyê statu, ji bo kurdên Tirkiyeyê demokrasî lazim e."