Civîna parlamentoya Kurdistanê li ser serokatiya Barzanî dest pê kir

Qasekî beriya niha civîna parlamentoya Kurdistanê li ser serokatiya Barzanî dest pê kir.

Serokê firaksyona PDKê li parlamentoya Kurdistanê Omêd Xoşnav beriya civînê daxuyaniyek da û ragihand, di civînê de nameya Barzanî tê xwandin û wek Barzanî daxwaz kiriye desthilata serokatiya Kurdistanê bi ser Serokatiya Hikûmetê, Serokatiya Parlamentoyê û Dadweriya Kurdistanê de tê parvekirin.

Di civîna îro ya parlamentoyê de, parlamenterên Gorran û Komela Îslamî jî piştî du salan, beşdar bûne. Civîn bi awayekî girtî tê kirin.

Nazim Herkî: Barzanî pêşniyara dirêjkirina heyama serokatiya xwe qebûl nekir

Parlamenterekî Kurdistanê dibêje, Encumena Şûra ya Kurdistanê pêşniyar kiribû heyama serokatiya Serokê Herêma Kurdistanê Mesûd Barzanî were dirêjkirin lê Barzanî qebûl nekir.