Ji Tevgera Goran biryara Parlementoyê!

Parlementerê Tevgera Goranê Bêstûn Fayeq ragihand, ku sibe Fraksiyona Goranê dê beşdarî civîna Parlementoya Kurdistanê bibe.

Bêstûn Fayeq di axaftina xwe ya ku li gel ajansa Rûdawê re kiriye diyar kir: “Roja pêncşemê 26ê Cotmeha 2017an, Fraksiyona Goranê dê beşdarî civîna Parlementoya Kurdistanê ya li ser yasaya Serokatiya Herêma Kurdistanê bibe.”

Li ser mijara vegera Serokê Parlementoya Kurdistanê Yûsif Mihemed, Fayeq aşkere kir: “Vegera Yûsif Mihemed bo Parlementoya Kurdistanê li gel vegera Fraksiyona Goranê bo parlementoyê, du pirsên cuda ne, tenê em vedigerin.”

Her wiha biryar e di civînê de wê mijara yasaya Serokatiya Herêma Kurdistanê were nirxandin.