Federasyona Kurdên Kazaxistanê: Divê em bihev re piştgirî bidin referandumê

Dr. Kînyazê Îbrahîm Mîrzoyêf ji malpera KDP.info re ragihand: “Li Sovyeta Berê nêzîkî 300 hezar Kurd hene û em bi nûneratiya wan beriya niha jî serdana Başûrê Kurdistanê kiriye û em ligel Serok Barzanî civyane û me hemû daxwazên xwe gihandine wî. Me jê re gotiye ku em bi hemû awayekî piştgiriyê li referanduma Başûrê Kurdistanê ya ji bo serxwebûnê dikin ji ber ku serxwebûn xwena bav û kalê me bûye û niha jî hêviya heta bi zarokê me ye.”

Mîrzoyêf wiha got: “Em naxwazin ti kes bêje em li dijî sewleta Kurdistanê ne, ji ber ku referandum û serxwebûn mafekî rewa yê gelê Kurd e û yê ku li dijî wî mafê kurdan be hestê me birîndar dike.”

Dr. Kînyazê Îbrahîm Mîrzoyêf wiha domand: “Erkê ser milê her Kurdekî ye ku bi hemû awayekî piştgiriyê bide referanduma Herêma Kurdistanê, ji ber ku serxwebûna Başûr ya hemû Kurdan e.”