Almanya: Pirsgirêkên Hewlêr û Bexdayê bi çek çareser nabin

Wezareta Derve ya Almanyayê di daxuyaniyeke nivîskî de ragihand ku Wezîrê Derve Sigmar Gabriel pêwendiyeke telefonî li gel Serokwezîrê Iraqê Heyder Ebadî kiriye û helwesta Berlînê li ser aloziyên navbera Iraqê û Herêma Kurdistanê gihandiye wî.

Di berdevamiya daxuyaniya Wezareta Derve ya Almanyayê de tê gotin: \"Wezîrê Derve ji Heyder Ebadî re gotiye ew nakokiyê navbera Herêma Kurdistanê û Iraqê nîgeraniyeke mezin bo me çê kiriye û nabe ti kes wisa fêm bike ku pirsgirêkên navbera Herêma Kurdistanê û Iraqê dê bi rêyên serbazî çareser bibin.\"

Gabriyel di domandina axaftina xwe de gotiye: \"Çareserkirina rewşa perîşan a çend rojên bihorî yên Iraqê bi rêya serbazî çareser nabe, aloztirkirina zêdetir a rewşê hemû aliyan lawaz dike, bi taybet jî Iraqê zêdetir ber bi bêîstîqrariyê ve dibe. Em daxwaz ji hemû aliyan dikin bo rawestandina tevgera serbazî û rêyekê nedin pêş xwe ku bibe sedema zêdetir alozkirina rewşê.\"