NY: Zêdetirî 9 hezar sivîl di şerê Rûsya-Ukraynayê de hatine kuştin

Di daxuyaniyê de ku Ofîsa Neteweyên Yekbûyî bo Karûbarên Mafên Mirovan a li Ukraynayê bi boneya derbasbûna 500 roj di ser destpêkirina şerê Rûsya û Ukraynayê belav kir, eşkere dike ku heta niha ti asoyek ji bo bidawîbûna şerê Rûsya û Ukraynayê xuya nake û hejmara qurbaniyan jî roj bi roj zêde dibe.

Li gor daxuyaniyê, rêjeya kuştina kesên sivîl di şerê navbera Rûsya û Ukraynayê de îsal li gor par kêmtir bûye, lê belê dîtina terman di nav kavilên xaniyên rûxayî de li rojhilat û başûrê Ukraynayê, berdewam e.

Roja Duşemê 3ê Tîrmeha 2023an, Serokê Lijneya Pêwendiyên Navdewletî yê Encûmena Federasyonê ya Parlamentoya Rûsyayê ragihand, 700 hezar zarokên Ukraynî li Rûsyayê ne ku ji navçeyên cihê nakokiyê hatine.

Ukrayna hêzên Rûsyayê bi revandina zarokên Ukraynî li navçeyçn Luhansk û Donetskê tometbar dike.