Wezareta Dadê ya Amerîkayê li ser sepandina cezayê ya bi ser kompanya û kesan de daxuyaniyek belav kir.
Wezareta Dadê ya Amerîkayê di daxuyaniyekê de ragihand:
“Nivîsgeha Çavdêriya Samanên Biyanî ya Wezareta Xezîneyê ya Amerîkayê bi hevahengiya Wezareta Dadê ya Amerîkayê, şeş kompanya û du kes li Îran, Îmarat û Çînê kirin armanc ku berpirsyarê dabînkirina parçeyên çêkirina dronan in ji bo pîşesaziya asmanî ya Îranê.”
Wezaretê di daxuyaniya xwe de got:
“Ev tor kel û pel ji bo saziyên pîşesaziyê yên leşkerî ên Îranê ku di nav de Kompanyaya Pîşesaziya Firokevaniyê ya Îranê û Koma Pîşesaziyê ya Şehîd Baqirî jî hene dabîn kiriye.”
Îdareya Donald Trump siyaseta zexta zêdetir li hemberî Îran û bernameya wê ya nukleerî bi rê ve dibe.
Li gorî daxuyaniyê, ji 4ê Sibatê ve lîsteya duyan a cezayên Amerîkayê ye ku bi ser pîşesaziya çekên Îranê de tê sepandin.
Wezîrê Xezîneyê yê Amerîkayê Scott Bessent li ser cezakirina kompanyayan ragihand:
“Zêdebûna şandina mûşek û dronên Îranî ya ji bo komên terorîst ên li herêmê û li Rûsyayê ku ji bo bikaranîna wan a li dijî Ukraynayê tên metirsiyê ye li ser sivîlan çêdike.”
Wezîrê Xezîneyê yê Amerîkayê anî ziman:
“Wezareta Xezîneyê dê di astengkirina saziyên pîşesaziya leşkerî ya Îranê û belavkirina dron û mûşekan de berdewam be ku digihêjin destê wan aliyên ku dibin sedema nearamiyê.”
Di daxuyaniya Wezareta Dadê ya Amerîkayê de hat gotin ku ceza bi ser Husên Ekberiyê 63 salî, Reza Emîdiyê 62 salî û kompanyaya “Rah Ruşd” a ku navenda wê li devera New Yorkê ye de hatiye sepandin.
Berpirsê Yekîneya Ewlehiya Niştimanî ya Wezareta Dadê ya Amerîkayê Su Jay Bay derbarê cezadana her du kes û kompanyaya Îranî ragihand:
“Wezareta Dadê dê di siyaseta zexta zêdetir a li ser desthilata Îranê berdewam be.”
