Li gorî encamên destpêkê di hilbijartinên serokkomariya Îranê de Mesûd Pizîşkiyan bi 5 milyon û 955 hezar û 782 dengan li pêş e.
Herwiha Seîd Celîlî jî bi 5 milyon 560 hezar û 322 dengan di rêza duyem de ye.
Herjmartina dengên hilbijartinên 14emîn serdema serokkomariya Îranê berdewam in.
Li Îranê 4 namzed ji bo serokkomariyê hevrikiyê dikin.
Namzedên wekî Mihemed Baqir Qalîbaf, Seîd Celîlî û Mistefa Pûrmihemedî ji eniya kevneperest û Mesûd Pizîşkiyan jî ji eniya reformxwaz e.
Navenda Hilbijartinan a Wezareta Karên Navxwe ya Îranê ragihand ku rêjeya beşdarbûna hilbijartina ji sedî 40 e.
Li gorî amarên Navenda Hilbijartinan a Wezareta Karên Navxwe ya Îranê, heta niha 14 milyon û 70 hezar deng hatine jimartin.
Li gorî amrên destpêkê, Mesûd Pizîşkiyan bi 5 milyon û 955 hezar û 782 dengan di rêza yekem de ye.
Seîd Celîlî jî bi 5 milyon 560 hezar û 322 dengan di rêza duyem de ye.
Li aliyê din namzedên din Mihemed Baqir Qalîbaf bi 1 milyon û 620 hezar û 628 dengan di rêza sêyem û Mistefa Pûrmihemedî jî 95 hezar û 172 dan di rêza çarem de ye.
Eger yek ji namzedan ji zêdeyî sedî 50î dengan nestîne dê 5ê Tîrmehê gera duyem a hilbijartinan were kirin.
Geram duyam a hilbijartinan jî dê navbera du namzedên ku herî zêde deng standine de pêk were.
Li Îranê serokkomar 4 salan kar dike û herî zêde 2 caran li pey hev dikare were hilbijartin.
