Li Îranê balafireke şer a SU-22 ket xwarê

Li gorî nûçeya ajansa fermî ya Îranê IRNAyê, yekîneya Peywendiyên Giştî ya Supaya Pasdaran di daxuyaniyekê de ragihandiye, balafira şer a ji corê SU-22 ya Hêzên Hewayî ya Supaya Pasdaran di dema pêkanîna erka xwe de rastî bûyerê hatiye û ketiye xwarê.

Di daxuyaniyê de hatiye gotin ku balafir ketiye xwarê, lê pîlot bi silametî bi sîstema avêtina kursiyê daketiye û ti ziyanên canî çênebûne.

Peywendiyên Giştî yên Supaya Pasdaran ragihandiye, bûyer ji ber “sedemeke teknîkî” çê bûye û diyar kiriye, “pîlot bi şarezabûna xwe balafir ber bi cihên dûr ji avedaniyê û qadên niştecîbûnê ve biriye.”