Rayedarên Îranê duhî 22ê Sibata 2023an çalakvanê siyasî yê Kurd Eriş Ehmedî bi tometa kuştina efserekî di sala 2018’an de li bajarê Rewansar ê parêzgeha Kirmaşanê kuştibû, bi dar ve kir.
Ajansa “IRNA” belav kir, Eriş Ehmedî ku bi navê “Serkewt” naskirî ye, endamê Partiya Komaleya Zehmetkêşan e.
Komale, partiyeke çep a Kurd e û hewl dide rêveberiya xweser li navçeyên Rojhilatê Kurdistanê, ji 1979an vir ve jî hatiye qedexekirin.
Li gorî rapora Rêxistina Mafên Mirovan a Îranê, çar ji wan kesên ku hatine bidarvekirin, di xwepêşandanên mehên borî de hatine girtin û 37 kes jî bi tometa bikaranîna madeyên hişber hatine bidavekirin.
Rêxistina Mafên Mirovan dibêje: “Her darvekirinek li Komara Îslamî ya Îranê, pirseke siyasî ye, ji ber ku armanca wê ya sereke ew e ku tirsê di civakê de çêbike”.
Çalakvanên mafên mirovan û opozisyona Îranî dibêjin, desthilat cezayê bidarvekirinê wekî amûrekê ji bo tirsandin û tepeserkirina xwepêşandanan bikar tîne ku piştî kuştina Jîna Emînî, xwepêşandanên berfireh li welêt hatin kirin.
Li gorî rapora herî dawî ya Rêxistina Mafên Mirovan a Îranê, di xwepêşandanên vê dawiyê de herî kêm 529 kes ku ji wan 68 zarok û ciwanên di bin 18 saliyê re ne, ji aliyê hêzên ewlehiyê ve hatine kuştin.
Li gorî agahiyên Rêxistina Hengaw a Mafên Mirovan, ji destpêka îsal ve li Îran û Rojhilatê Kurdistanê 87 kes hatine bidarvekirin ku 27 ji wan Kurd in.
