Îran bo Tirkiyê: Ji Sûriyê derkeve

Ajansa “Tasnîm” ya Îranî belav kiriye, Birocridî di hevdîtinekê de ligel Seroka Parlementoya Sûriyê Hediye Ebas ragihand, her welatek ne di çarçoveya yasaya navdewletî de û bêyî hevrêzî bi Şamê re destêwerdana di Sûriyê de bike, dagîrkirin e û divê derkeve.

Duh Wezîrê Derve yê Tirkiyê Mewlûd Çawûşoglu mîlşyatên Şî'î û rêjîma Sûriyê tuhmetbar kiribû, ku agirbesa li Sûriyê binpê dikin û daxwaz ji Îranê kir, ku fişarê li mîlîşyatan û rêjîmê bike, da ku agirbestê binpê nekin.

Birocirdî amaje bi hêzên Îranî û mîlîşyatên Şîe yên li Sûriyê şer dikin kie û got: “Hebûna Şêwirmendên me û çekdarên Hizbulaha Libnanî li ser xaka Sûriyê, li ser daxwaza hikûmeta Sûriyê ye. Ji ber vê yekê jî ew aliyên ku bêyî razemendiya hikûmeta Sûriyê ketina wî welatî, divê jê derkevin.”

Artêşa Tirkiyê û çekdarên opozîsyona Sûriyê di 24 Tebaxa borî de dest bi operasyona Mertala Feratê li nava xaka Sûriyê de kirin. Serokomarê Tirkiyê jî ragihand ku, ewê bajarokê Bab û Minbicê kontrol bikin.