Rejîma Îran'ê,girtiyê Kurd a siyasî darvekir

Malpera“Hingaw” a mafê mirovan belav kir, girtiyê Kurd yê bi navê Murteza Rehmanî ku xelkê gundê Tîleko yê ser bi bajarê Germyan e, îro hate bidarvekirin.

Wê malperê da zanîn, Murteza Rehmanî ji sala 2011an ve hatibû girtin û sala 2013an bi tuhmeta endametî û hevkariya ligel partiyeke Kurdî ya dijberê Îranê û kuştina 2 endamên artêşa Pasdarên Îranê cezaya bidarvekirin ji wî re hate dayîn.

Cezaya bidarvekirinê ji aliyê dadgeha Şoreşê ya bajarê Sinê li ser Murteza Rehmanî hat sepandin.