Herwiha Hemasê jî 10 dîlên Îsraîlî yên li Xezeyê radestî rayedrên Komîteya Xaça Sor a Navneteweyî kir.
Berdevkê Wezareta Karên Derve ya Qeterê Macîd Ensarî têkildarî pevguhertina dîlan a di navbera Hemas û Îsraîlê de, li ser hesabê xwe yê Xê daxuyanî da.
Macîd Ensarî di daxuyaniya xwe de diyar kir ku 10 dîlên Îsraîlî radestî Xaça Sor a Navneteweyî hatine kirin.
Li aliyê din artêşa Îsraîlê jî agahiyan pişt rast kir ku 10 Îsraîlî û 2 rehîneyên biyanî radestî Komîteya Xaça Sor hatine kirin.
Rayedarên Xaça Sor jî di daxuyaniya xwe de diyar kir ku 12 dîl birine Misirê û ji wir jî ber bi Îsraîlê ve hatine şandin.
Peymana pevguhertina dîlan
Artêşa Îsraîlê 21ê Çiriya Paşînê, rêkeftina pevguhertina dîlan a bi Hemasê re qebûl kir.
Di berdêla berdana 150 girtiyên Filistînî ku di nava wan de zarok û jin hene, dê 50 dîlên Îsraîlî bêne berdan û li ser vê peymanê 4 roj agirbest hatibû ragihandin.
Agirbest, 24ê Çiriya Paşîn, li gorî saeta Kurdistanê, di demjimêr 08:00an de dest pê kir.
Qeterê ragihand ku li Xezeyê "navberdayina mirovî" ya ku beriya niha di navbera Hemas û Îsraîlê de çêbûbû, 2 rojên din hat dirêjkirin.
