Heşdî Şabî hewl dide ku li Xurmatû parêzgare Kurd ji kar dur were xistin

Di derbarê vî mijarê de Berpirsê Karûbarên PDK'ê li Xurmatû, Erselan Elî dide zanîn ku, Tirkmenên şîe yên Heşda Şeibî bi rêya berpirsê giştî yê Heşda Şeibî Hadî Amirî dixwazin qaymeqamê Kurd yê Xurmatû Şelal Ebdul bidin aliyekî û li şûna wî kesekî Tirkmen daynin.

Erselan Elî her wiha got, ew turkmenê ku dixwazin bikin qaymeqamê Xurmatû, navê wî Hesen Zeynel Abidîn e ku kesekî şîe ye. Heşda Şeibî dixwaze kesekî ereb jî bike serokê encumena Xurmatû.

Wî rayedarê PDK'ê da zanîn ku Tirkmen û Erebên Xurmatû li hev kirine ku Kurdan bidin aliyekî û tevahiya post û meqamên bajêr di nav xwe de parve bikin.