Heyeta PDK û YNKê ji bo mijara serxwebûnê serdana Bexdayê dike

Li gorî nûçeya malpera înternet a televîzyona WARê îro heyeteke bilind ku ji Partiya Demokrata Kurdistanê (PDK) û Yekîtiya Niştîmanî ya Kurdistanê (YNK) pêk tê ji bo axaftina mijara referandum û serxwebûnê dê serdana Bexdayê bikin.

Heyeta bilind a PDK û YNKê di serdana xwe ya Bexdayê ji xeyrî axaftina referandum û serxwebûnê dê mijara rewşa Mûsilê ya piştî rêxistina terorîst a DAIŞê, hilbijartina pêşerojê ya Iraqê û pirsgirêkên navxweyî yên herdu aliyan wê binirxînin.

Di heyetê de Fazil Mîranî ku di heman demê de sekreterê mekteba siyasî ya PDKê ye wê nûneriya PDKê û Ednan Miftî jî ku endamê mekteb siyasîyê YNKê ye wê nûneriya YNKê bike. Herwiha Şêx Aram Şêx Mihemed ku Cîgirê Parlamentoya Iraqê yê ser lîsteya Tevgera Goranê ye jî wê di nava heyetê de cih bigire.