Çarçoveya Hevahengiyê: Derxistina yasaya petrol û gazê çareseriya pirsgirêkên Bexda - Hewlêrê ye

Ajansa Nûçeyan a Fermî ya Iraqê (INA) daxuyaniya dawî ya civîna şeva borî ya Çarçoveya Hevahengiyê belav kir. Civîn li mala Serokê Tevgera Hîkme ya Niştimanî, Emar Hekîm, û bi amadebûna Serokwezîr Mihemed Şiya Sûdanî birêve çû. Di civînê de behsa pirsgirêkên hilawîstî yên di navbera Bexda û Hewlêrê de, pêşhatên siyasî, kêşeyên xizmetguzariyê û hilbijartinan hate kirin. ji bo çareserkirina 

Derbarê pirsa mûçe û mafên darayî yên Herêma Kurdistanê de, Çarçoveya Hevahengiyê destnîşan kir, "pêwîst e ji bo her pirseke niştimanî li ser bingeha destûrê û li gorî biryarên dadgehê tevger bê kirin."

Herwiha hate ragihandin, hikûmeta federal israr dike li ser parastina mafên hemû welatiyan û hewl dide hemû astengiyan ji holê rake.

Di civînê de, careke din tekezî li ser pêwîstiya derxistina Yasaya Neft û Gazê hate kirin û ev yasa weke "çareseriya bingehîn ji bo pirsgirêkên aloz û hilawîstî yên di navbera Bexda û Hewlêrê de" hate binavkirin.

Çarçoveya Hevahengiyê herwiha tekez kir, divê hilbijartinên Parlamentoya Iraqê di dema xwe ya diyarkirî de bên lidarxistin.