Serokê Tevgera Sadr: Bila Heşdî Şebî were belavkirin

Serokê Tevgera Sadr Muqteda el Sadr di hevpeyvîna xwe de got: "Ji bo li Iraqê di navbera kurd, şîe, sunî, ereb û nijadên din de şer û pevçûn dernekev divê gavên pêwist werin avêtin. Ez bi guman im ku piştî şerê dijî rêxistina terorîst a DAIŞê desthilatiya Heşdî Şebî destpê bike. Lewra em dixwazin piştî DAIŞê Heşdî Şebî bila were belavkirin."

Muqteda el Sadr di berdewamiya axaftina xwe de got: "Pêwistiya me bi avakirina hêzên hikûmetê heye. Hêza ku Iraqê biparêze divê di binê banê artêşê de be. Piştî şerê Mûsilê ihtimala derketina şerê mezhebî heye û ev me ditirsîne. Divê herkes ji bo derneketina tiştekî wiha bixebite."

Sadr di dirêjiya axaftina xwe de got: "Her çi dibe bila bibe, em hêza Amerîkayê li Iraqê naxwazin. Em naxwazin tu berpirsekî amerîkî û îngîlîzî li vir bibînin. Ji bo ku ew berjewendiyên Amerîkayê diparêzin."