500 şervanên YBŞê bi ser hikûmta Iraqê ve hatin girêdan

Berpirsê asayişa Êzîdxanê Heval Xebat ji bo Rûdawê diyar kir ku beriya niha çend caran ji hikûmeta Iraqê hat xwestin ku şervanan bi awayekî fermî bi ser xwe ve girêbide.

Xebat anî ziman ku beriya niha du salan hikûmeta Iraqê dest bi dabînkirina mûçeyên şervanên Yekîneyên Berxwedana Şingalê (YBŞ) kiribû lê ev nêzikî salekê ye ew mûçe hatine rawestandin û got, hewl tê dayîn li gel hezar şervanên YBŞê, hezar şervanên Êzîdxanê jî bi ser hikûmeta Iraqê ve werin girêdan.