Ji bo 8 bajarên Bakurê Kurdistanê hişyariya lehiyê hat dayîn

Li gor daxuyaniya Saziya Keşnasiyê ya Tirkiyê îro Duşemê 24ê Nîsana 2023an li parêzgehên Amed, Êlih, Sêrt, Colemêrg, Şirnex, Bedlîs, Mûş û Çewlîgê yên Bakurê Kurdistanê baraneke zêde dibare û divê li beramber egera lehiyê tedbîrên pêwîst bên wergirtin.

Herwiha li parêzgehên Ordu, Giresun û Tokat ên Tirkiyê jî îşev barîna baranê destpê dike û tê pêşbînîkirin pileya germê di navbera 2 heta 4 pileyan zêde bibe.

Li gor pêşbîniya saziya navborî li seranserê Tirkiyê bo dema 2 rojan baran dibare û tê çaverêkirin li çend parêzgehên Bakurê Kurdistanê pileya germê dakeve.