Serokê Giştî yê PWKyê peyama pîrozbahîyê ji Serokê KURD-KAVê re şand

Rêzdar Mehmet Celal Baykara

Serokê KURD-KAVê

Serokê Rêzdar,

KURD-KAVê roja 11.05.2025ê 26emîn kongreya xwe li dar xist.

KURD-KAVê di kongreyê de rêvebirîyeke nû hilbijart.

KURD-KAV, di dîroka 100 salî ya Komara Tirkîyeyê de, dezgeha yekem e ku bi navê ‘’Kurd’’, weke fermî ji alîyê Dewleta Tirkîyeyê ve hatibe qebûl kirin.

Ev destkeftin berhema têkoşîna hemû miletê Kurd e, rûmet û serkeftina hemû miletê Kurd e.

Ez hêvî û bawer dikim ku KURD-KAV dê li gorî destûr û armanca xwe, di derbarê ziman û çanda kurdî de xebatên girîng û berhemdar pêk bîne.

Ez li ser navê xwe û hemû endamên PWKyê,  cenabê we û rêvebirîya nû ya KURD-KAVê  pîroz dikim û serkeftinê ji we re dixwazim.

Li gel rêz û silavên xwe.

Mustafa Ozçelîk

Serokê Giştî yê Partîya Welatparêzên Kurdistanê (PWK)