Hikûmeta Kurdistanê li ser êrîşa Amerîka daxuyaniyek weşand.

Hikûmeta Herêma Kurdistanê li ser êrîşa Amerîka ya li hemberî Baregeha Hewayî ya Şaryatê ya li bajarê Himûsê daxuyaniyek weşand û tê de got, "Em hêvî dikin ku ev êrîşa Amerîkayê wê bibe sedema dubarenekirina bûyerên wekî yên Xan Şêxûnê."

Hikûmetê di daxuyaniya xwe de bal kişand ser komkujiya Helebceyê û got, "Gelê Kurdistanê gelek êş kişandin. Êşa herî mezin jî felaketa kimyewî ya li Helebceyê bû, ku wê demê di nava çend saniyeyan de 5 hezar kesan jiyana xwe ji dest da. Ger rayagiştiya navdewletî wê demê bêdeng nema û gav biavêta, sûcên wisa wê dubare nekira."

Hikûmetê anî ziman ku vê bûyerê sûcên di dawiya salên 80yî de li hemberî gelê Kurdistanê hat in kirin, bi bîr xist û ev tişt hatin gotin: "Rayagiştiya navdewletî ji bo sûcên wisa dubare nekin, divê helwesteke cidî nîşan bide. Em hêvî dikin gavên ku wisa ji aliyê Amerîkayê ve ji bo astengkirin û bersivdayinê hatine avêtin, wê pêşiyê li dubarekirina tiştên dermirovî bigirin."