Hollanda di têkiliyên Kurdistanê de dikeve asteke nû

Di civînê de Wezîrê Derve yê Holandê Bert Koenders ragihand ku armanca wan ew e ku hevkariya li gel Herêma Kurdistanê pêşve bibin û piştgiriya xwe ya bo Pêşmerge jî zêde bikin. Bert Koenders got: "Em ê dayîna perwerdeyê bo hêzên Pêşmergeyên Herêma Kurdistanê bidomînin."

Li gorî daxuyaniya Wezîrê Derve yê Holandê heyet li ser gelek mijaran danûstandin kirine. Koenders got: "Armanca me ew e ku di derbarê hin mijaran de em hevkariya xwe pêşve bibin. Ji ber serdana heyeta Kurdistanê em kêfxweş in.

Koenders di dirêjiya axaftina xwe de got: "Em dizanin li herêmê gelek mirov hene ku ji ber DAIŞê êş û jan kişandine û ji cih û warê xwe bûne. Em ê alîkariya mirovî jî bişînin Herêma Kurdistanê ku xwedî li gelek koçberan derketiye."