Şandeya hikûmeta herêma Kurdistanê geheşt Bexdayê û egera rêkeftinê heye

Nûnerê hikûmeta herêma Kurdistanê li Bexdayê Faris Îsa ragehand, şandeya herêma Kurdistanê geheştiye Bexdayê ku ji serokê dîwana encûmena wezîran Dr. Umêd Sebah, wezîrê darayî Awat Şêx Cenab, wezîrê herêmê Xalid Şiwanî û sekreterê encûmena wezîran Amanc Rehîm û nûnerê hikûmeta herêma Kurdistanê Faris Îsa pêkhatiye.

Herwaha got, îro 23.11.2019ê berî nîvro demjimêr 11:00ê dê li gel serokwezîrê Iraqê Adil Ebdulmehdî hevdîtin û civîn pêkbê.

Herwaha hêvî jî xwest bigehin rêkeftinê û got: ‘’Hîn projeyasaya budceya 2020ê ya Iraqê temam nebûye, divê daxwazên xwepêşanderan û kurdan jî di budceyê de bê bicîh kirin, piştre projeyasa li encûmena wezîran ve dê biçe parlamentoyê.

Faris Îsa got: ‘’Ez geşbînim îro em li gel serokwezîrê Iraqê bigehin rêkeftinê.’’