Artêşa Sûriyê tevahiya rêya M-4 kontrol dike

Lîwa Ehmed Şerîf Ehmed di daxuyaniyeke taybet de ji Rûdaw re got: “Komên çekdar ên ser bi Tirkiyê ve bi qasî 3 kîlometran ji rêya M-4 ber bi navçeyên sînorî ve vekişiyane û Artêşa Sûriyê cihê wan digr û dê tevahiya vê rêyê kontrol bike.”

Çavkaniyekî ji Rojavayê Kurdistanê jî ji Rûdawê re ragihand, vekişîna komên çekdar ên Sûrî yên ser bi Tirkiyê ve ji rêya M-4 di çarçoveya rêkeftineke navbera Rûsya û Tirkiyê de ye, ku di wan demên dawiyê de li ser wan navçeyan li hev kirine.