Hikûmeta Iraqê: 29 hezar Iraqî li kampa Holê mane

Wekîlê wezareta koç û koçberan ya Iraqê, Kerîm Nûrî ragehandiye, heta niha 50 kampên koçberan li nav Iraqê de hatine girtin lê hîn 26 kampên koçberan li Herêma Kurdistanê mane.

Kerîm Nûrî her wiha got, ew malbat û koçberên Iraqî yên ji kampa Holê ya Sûriyê hatine veguhestin, li kampa Cedhe li başûrê Mûsilê hatine bicîhkirin. 300 malbat ji wê kampê derketine û çûne ser cih û warê xwe, derdora 600 malbat jî mane.

Wî berpirsê Iraqî da zanîn, li kampa Holê ya Sûriyê jî Iraqî mane û hejmara wan derdora 29 hezar kesan e, dê hemû bên vegerandin.