Meclisa Leşkerî ya HSDyê civîna xwe ya asayî bi beşdariya fermandarên Encumenên Leşkerî û nûnerên hemû saziyên leşkerî yên ser bi wan ve li dar xist.
Fermandarê Giştî yê HSDyê Mezlûm Ebdî jî tevî endamên Fermandariya Giştî ya HSDyê beşdarî civînê bû.
Li gorî daxuyaniya HSDyê, Mezlûm Ebdî derbarê rewşa giştî ya Sûriyeyê, bi taybetî li ser şert û mercên Rojavayê Kurdistanê û kêşeyên ku rastî van herêman tên, brîfîngeke siyasî ya berfireh pêşkêş kir.
Mijara peyman hat gotûbêjkirin
Mezlûm Ebdî her wiha bi berfirehî behsa peymanên di navbera HSD û hikûmeta Şamê de û peymana HSDyê ya li taxên Şêx Meqsûd û Eşrefiyê yên Helebê kir.
Di daxuyaniyê de hatiye gotin ku Ebdî bal kişand ser aliyên siyasî û leşkerî yên van peymanan û da zanîn ku hewlên herêmî û navneteweyî yên ji bo bidestxistina agirbestê li seranserê Sûriyeyê hene.
Deskeftî hatin nirxandin
Piştre, fermandarên Encumenên Leşkerî raporên leşkerî pêşkêş kirin û destkeftî û pêşveçûnên sereke yên di nav encumenan de nirxandin.
Beşdaran her wiha kêşe û astengên ku bandorê li ser karên encumenan dikin gotûbêj kirin û bi Fermandariya Giştî re ji bo dîtina çareseriyan û ji bo derbaskirina wan.
Mezlûm Ebdî derbarê van mijaran bertekên rexneyî pêşkêş kir û ji fermandaran xwest ku wan çareser bikin û xwe bi şert û mercên guherbar ên li Sûriyeyê, bi taybetî li herêmên Rojavayê Kurdistanê biguncînin.
Fermandariya Giştî yê HSDyê di heman demê de tekezî li ser girîngiya zêdekirina perwerdeya leşkerî û piştrastkirina ku hêzên HSDyê bi tevahî amade ne ku bersivê bidin hemû şert û mercên muhtemel.
Civîn bi standina çend biryaran di asta rêxistinî û leşkerî de bi dawî bû.
