Di nivîsekê de Romanivîsê Kurdê Rojava Can Dost li ser rûpela xweya Facebookê bangewaziyek arasteyî Wezareta Navxwe ya Herêma Kurdistanê kir, tê de behsa êş û zehmetî û rewşa Kurdên Rojava û koçberiya wan ji encama şerê Sûriyê de kir, herwiha belavbûna wan di navbera li welatên Ewropayê û Hebûna hejmareke mezin li Herêma Kurdistanê.
Can Dosta di wê bangewaziya xwe de got ku, hejmareke mezin ji keç û xortên Rojava di nav rêzên Pêşmerge de şerê DAIŞê dikin û li gel birayên xwe pêşmergeyên başur parastina sînorê Herêma Kurdistanê dikin.
Herwiha romanivîsê Kurd derbarê êşûazarên Kurdên Rojava ji dûrketina malbatên xwe kir û got ku, Kurdên Rojava yên li welatên Ewropayê dimînin nikarin bê vîza serdana malbatên xwe li Herêma Kurdistanê bikin, lewma daxwaz ji Hikumetê kir ku, ew Kurdên îqameya welatên Ewropayê û Tirkiyê hildigrin pêwîste bê vîza ji Tirkiyê û Ewropayê bikarin serdana Herêma Kurdistanê bikin.
Can Dosta wiha jî anî ziman û got: Gelo ma ne seyre Kurdên Rojava li Başur şerê DAIŞê dikin û dê û bavê wan herwiha malbata wan nikarin bê vîza serdana wan bike.
Di dawiya bangewaziya xwe de Can Dost bi navê xwe û bi navê hejmareke mezin ji Kurdên Rojava ku, li derveyî Herêma Kurdistanê dimînin daxwaza rakirina vîzayê kir daku, bikarin serdana malbatên xwe bikin û got ku, ew ewlehiya Herêmê li berçav digre lê bejewendiyê xelkê beşek ji ewlehiyê ye ya ku, dewlet kar dikin û cîbecîbibe.
