Li Dêre Zorê êrişî xala kontrolê ya HSDê kirin

Li gorî malpera North Pressê li nav bajarokê Dîban ê li rojhilatê Dêre Zorê, çekdarên nenas ku li ser motorsîkletekî bûn şervanekî Hêzên Sûriyeya Demokratîk (HSD) li xaleke pişkinînê kirine armanc û di encam de birîndar bûye.

Çavkaniyê diyar kir ku Şervanê birîndar bo nexweşxaneya leşkerî ya li kêlgeha petrolê ya El-Omer hate veguhestin û li gorî bijîşkê nexweşxaneyê "rewşa wî giran e".

Li gor heman çavkaniyan, çekdarên ku şervanê HSDê kiribûn armanc reviyane û karîne xwe li nav xelkê bajêr veşêrin.

Roja 20ê Kanûnê jî, li bajarokê Şihêl li rojhilatê Dêre Zorê çekdarên DAIŞê li ser motorsîkletekî şervanekî HSDê kiribûn armanc.

Ji destpêka sala 2022 û heta niha, çekdarên DAIŞê li navçeyên Rêveberiya Xweser, 141 kes kuştine, ji wan 53 sivîl û 87 şervanên HSDê û endamên asayîşa Rêveberiya Xweser in.