Li Efrînê zextên li ser Kurdan didomin: 7 Kurd hatin girtin

Li gorî Rêxistina Mafên Mirovan a Efrînê, çekdarên grûpa Hemzatê, 9ê Îlonê ciwanê Kurd ê bi navê Mihemed Henan Hesen, li gundê Kîmarê girtiye.

Îstixbarata Tirkiyeyê û polîsên serbazî 6ê Îlonê Haşim Xezalê 40 salî, li gundê Babelîtê girtiye.

Wan 5ê Îlonê jî Mistefa Mûrad Tirk, li Cindirêsê girtiye.

Herwiha heman rojê, Dr. Lazgîn Salih li gundê Kurzêlê û Mistefa Mihemed Henan jî li gundê Şerqiyayê hatine girtin.

Roja 28ê Tebaxê jî ciwanê Kurd Şiyar Remzî Şêxo jî li gundê Hesen Dêrayê hatibû girtin.

Piştî ku Şiyar Remzî Şêxo 400 dolar dan dadgehê û 700 dolar jî dan çekdaran, 1ê Îlonê hatibû berdan.