Li Hesekê teqînek çêbû: 3 birîndar

Hat ragihandin ku li Taxa Ezîziyê ya Heseke ya Rojavayê Kurdistanê teqînek çêbû. Di encama teqînê de 3 kes birîndar bûn.

Roja Yekşemê 26ê Hezîrana 2022an li Taxa Ezîziyê ya Heseke ya Rojavayê Kurdistanê teqînek çêbû. Di encamê de 3 kes birîndar bûn. Navê welatiyên ku di teqînê de birîndar bûne Rexed Hisên Hesen ê 18 salî, Ednan Hisên Hesen ê 11 salî û Şîndar Selmo yê 25 salî ne.

Ajansên nêzikî Rêveberiya Xweser diyarkirin ku birîndar rakirin nexweşxaneyê.

Heta niha sedema teqînê nehatiye eşkerekirin.