Li Merîwanê şer: 11 leşkerên Îranê hatin kuştin!

Rêvebirê Ewlehiya Eyaleta Kurdistanê Riza Mîrzayî di derbarê bûyerê de ji ajansa nûçeya Fermî ya Îranê IRNAyê re axivî û wiha got: “Di navbera Muhafizên Şoreşa Îranê û komeke çekdar de seet li 02:00ê şevê li derdora bajarê Merîwanê pevçûn derketiye. Pevçûnê nêzîkî du seetan dewam kiriye. Di encama pevçûnê de 11 leşkerên Îranê hatin kuştin 8 leşker jî birîndar bûn.”

Mîrzayî got ku me hê koma terorîst tespît nekiriye ku ji kîjan rêxistinê ne. Heta niha jî tu rêxistinan ev êrîş negirtiye ser xwe. Lê belê li vê herêmê, çekdarê PJAKê aktîf in.