Parlamentoya Kurdistanê pîrozbahî li rojnamegeran kir

Bi boneya 121.mîn salvegera rojnamevaniya kurd, serokatiya parlamentoya Kurdistanê bi daxuyaniyekî pîrozbayî li rojnamevanên Kurdistanê kir û ragehand: ‘’Herêma Kurdistanê bi rêya yasaya karê rojnamevanî ve karî pêngavên giring bo firehbûna asta azadî û karê çapemeniyê bavêje.’’

Herwaha hat gotin: ‘’Azadiya rojnamevanî û çapemeniyê, sîmayê diyar ê ezmûnê Kurdistanê ne û em xwazyar in geheştina zêdetir a rojnamevanan bo zanyariyan û bicîhanîna şefafiyetê li saziyên hikûmetê de bo rojnamevanan hebe.’’

Herwaha serokatiya parlamentoya Kurdistanê çend daxwazek ji rojnamevanan kir û got: ‘’Divê rojnamevan jî rêz li azadiya takekesî û sînorên kar kirina çapemeniyê bigrin û êrîş û berevajî kirinên ne di cîh de li dijî ti kes û aliyekî nekin û rêz li nirxên pîroz ên gelê Kurdistanê bigrin.’’