Rêveberiya Xweser li Reqayê rûbirûyê hişkesaliyê dibe

Hevserokê Nivîsgeha Jîngehê li Rêveberiya Xweser a Reqayê, Mihemed Nûr Ibrahîm ragihandiye ku bi sedema şerê çend salan, jinavçûna rûberê keskahî rêjeyeke berbiçav e, ku 80% jê li nav bajêr bûye.

Hevserokê Nivîsgeha Jîngehê diyar kiriye, di dema van çend salên bihorî de wan li nav bajarê Reqayê dar çandine û park çê kirine, bi mebesta vegerandina rûberê keskahiyê û rêgirîkirinê li ber biyabanbûnê.

Mihemed Nûr Ibrahîm destnîşan kiriye ku li başûrê Reqayê jî kar li ser çandina daran tê kirin, ji bo heman mebestê.