Rojava: Ji ber topbarana Tirkiye 22 hezar xwendekar bê xwendin mane

Li Rojavayê Kurdistanê ji ber topbarana berdewam a Tirkiye li ser navçeyên sînorî 22 hezar xwendekar bê xwendin bûne.

Li herêmên Rêveberiya Xweser, 4 hezar û 700 dibistan ên qonaxên cuda hene. 860 hezar xwendekar li wan dibistan fêr dibin û 42 hezar mamoste û karmend di kerta perwerdeyê de kar dikin.

Berê sibeha roja Yekşemê 20 Mijdarê artêşa Tirkiyê destpêkirina operasyoneke esmanî ya nû bi navê “Pence-Şûr” li Başûr û Rojavayê Kurdistanê ragihand. Serokkomarê Tirkiyê roja Duşemê diyar kir ku ne şert e operasyona tenê êrîşa esmanî be. Li Tirkiyê ji xeynî HDP û partiyên Kurdistanî, ti aliyekî din ku li dijî pêkanîna wê operasyonê be nîne.

Di êrîşên Artêşa Tirkiyê de, navendên hin bajarên Rojavayê Kurdistanê wek Kobanî û Qamişlo û gundewarên piraniya bahar û bajarokên din hatibûn bombebaran û topbarankirin.