Endamê Encûmena Serokatiya PYDê Salih Muslim ji medyaya nêzîkî DEM Partiyê re axivî û got: “hevdîtina birêz Mezlûm Ebdî û Mesûd Barzanî ji bo gelê Kurd pir girîng e. Ji bo çareseriya pirsgirêkên heyî û yekitiya Kurdan, divê gav bidomin. Di hevdîtinê de li ser pirsgirêkên Kurdan axaftin hatin kirin û biryar hat dayin ku rêyên diyalogê vekirî bin.”
Li ser êrîşên Tirkiyeyê yên li ser Minbic û Bendava Tişrînê de, Muslim got: “Li dijî êrişan, em li welatên Ewropayê jî hevdîtinên dîplomatîk dikin. Em li bendê ne ku Amerîka jî têkildarî êrişan daxuyaniyê bide. Em li bendê ne ku Trump ji bo agirbesta berê hatiye îmzekirin, dîsa bikeve meriyetê daxuyaniyê bide. Lê em ji bo her tiştekî xwe amade dikin.”
Herwiha got: “Tirkiyeyê piştî ku HTŞ’ê rêveberiya Şamê bi dest xistî, êrişên xwe zêde kirine. Dixwaze herêmên Kurdan dagir bike. Ji bo derbasî Herêma Firatê bibe, dixwaze Bendava Tişrînê û pira Qereqozaqê kontrol bike. Lê heta niha biser neketiye.”
Muslim li ser hevdîtinê bi Rêberê PKK’ê Abdullah Ocalan re jî got: “Tirkiye pirsgirêka xwe ya bi Kurdan re çareser nake û bingeha pirsgirêkên îro jî ev e. Heke bi rêya diyalogê çareser bike, dê êrişên ser me jî bi dawî bibin.”
Endamê Encûmena Serokatiya PYDê got jî: “Çareseriya bi rêya diyalogê dê ji bo her kesî baş bibe. Gelê Kurd li Rojhilata Navîn niha pêşengiya demokrasiyê dike. Divê her kes xwedî li pêvajoyê derkeve.
