Saziya dadweriya Îranê tiliyên destê du girtiyên kurd birî!

Li gor raporta malpera mafê mirov (Hengaw) duh 25.12.2016ê li zîndana Derya ya Ormiyê hikmê birîna 4 tiliyên destê rastê yê du girtiyên kurd ên bi navên Feramerz Bîxem û Mecîd Bîxem ji aliyê saziya dadweriya Îranê ve hat birêvebirin.

Li gor heman çavkaniyê ew du girtiyên kurd birayên yekbûn û di sala 2011ê bi tometa diziyê hatin girtin û ji wê demê ve heta naha li zîndanê ne û piştre jî, ji aliyê saziya dadweriyê ve cezayê birîna tiliyan ji wan re hat birîn.

Tê gotin di dema pêkanîna hikmê wan her du birayan de, ku di hewşa zîndanê de hat pêkanîn, bi biryara dozgerê giştî ve zêdetirî 24 girtî bo birîna tiliyên wan girtiyên kurd bibînin, bi zorê anîne nav hewşê.