Mesrûr Barzanî û Wezîrê Karên Navxwe yê Amerîkayê civiyan

Wezîrê Karên Navxwe yê Amerîkayê Doug Burgum got, “Herêma Kurdistanê hevpeymaneke binirx a Amerîkayê ye.”

Hikûmeta Herêma Kurdistanê li ser civînê daxuyaniyek belav kir.

Hikûmetê da zanîn ku di civînê de bipêşxistina têkiliyên stratejîk ên di navbera Amerîka û Herêma Kurdistanê de, guherînên dawî û pêşhatên li Îraq û Herêma Kurdistanê hatine gotûbêjkirin.

Hikûmeta Herêma Kurdistanê ragihand:

“Wezîrê Navxweyî yê Amerîkayê amaje pê kir ku Herêma Kurdistanê hevpeymaneke binirx a Amerîkayê ye û em kêfxweş in ji xurtbûna pêwendiyên Herêma Kurdistanê yên li gel kompanyayên Amerîkî.

Ev beşek e ji siyaseta Hikûmeta Amerîkayê ku hêzê ji bo aştî û xweşguzeraniya xelkê bi kar bîne.”

Serokwezîrê Herêma Kurdistanê jî spas ji bo piştgiriya Amerîkayê spasî kiriye û tekez kiriye ku Herêma Kurdistanê wekî her dem faktoreke aştî û aramiyê ye.